Сите патници од денес можат да патуваат од грчкото копно на островите со траект или авион

Сите патници од денес можат да патуваат од грчкото копно на островите со траект или авион
БизнисРегулатива | 27.05.2020

Грција денеска повторно ја отвора гастрономијата. Во рамките на рестартирањето на туризмот по карантинот поради коронавирусот, сите патници од грчкото копно од денеска можат да патуваат на островите со траект или авион.


Во Грција денеска повторно започнаа со работа редовните траекти до островите во Егејското и во Јонското море, како и рестораните и баровите кои се, исто така, повторно отворени во согласност со забрзаните напори земјата да ја спаси туристичката сезона.

 

Посетите на островите главно беа забранети од почетокот на карантинот на крајот на март, а пристап имаа само добавувачите на стока и жителите. Ниската стапка на инфекции во земјата за време на пандемијата со коронавирусот ја наведе владата да ја започне туристичката сезона порано отколку што се очекуваше, на 15 јуни, бидејќи другите медитерански земји, вклучувајќи ги Италија, Шпанија и Турција, сѐ уште се соочуваат со епидемија.


Прописите за одржување растојание и ограничување на бројот на патници и на гости се воведени на траектите и во рестораните, додека на островите се зголемува обемот на здравствените центри за борба против нови случаи со коронавирусот, а простор за интензивна нега е обезбеден на пет острови: Лезбос, Самос, Родос, Закинтос и на Крв, заедно со веќе постоечките објекти на островот Крит.

 

Извор: dw.com


Сподели