„Разговарајќи со колегите на Форумот за ИКТ сфатив дека Хрватска, Србија, Македонија и сите околни земји од регионот имаат многу слични и речиси исти проблеми во ИКТ индустријата. ИКТ е во голем пораст, и има голема потреба од работна сила. Проблемите кои ги има Македонија се големите даноци, општо проблеми со пресметка на исплатата на плати. Хрватска се соочуваше со овие проблеми но, со одредени даночни мерки успеавме да ги растовариме пресметките на плата, односно давачките кон државата и за вработените во ИКТ индустријата. Мерка која најмногу сакам да ја истакнам е мерката за поттикнување на инвестициите, односно за едукација на вработените се признава како даночен расход во износ до 80%“ вели Гостимир. 

 

Тој го пренесе хрватското искуство со серијата на стимулативни даночни мерки за ИКТ индустријата. Тие предвидуваат признавање на даночни расходи за едукација на вработените, како и даночни ослободувања за млади вработени со цел тие да останат во земјата, а со тоа и самата ИКТ индустрија да остане компетитивна.

 

 

 

Придонесот за здравствено осигурување од 16,5% во Хрватска не се плаќа ако се вработи лице до 30 години и оваа мерка може да се користи во рок од 5 години.